ក្រុម Yangon United របស់​មីយ៉ាន់ម៉ា នឹង​ធ្វើ​ដំណើរ​មក​ដល់​អាកាសយាន្តដ្ឋានអន្តរជាតិ​ភ្នំពេញ នៅ​វេលា​ម៉ោង​ ២ រសៀល ថ្ងៃ​សុក្រ​ ទី ២៧ ខែ​វិច្ឆិកា ឆ្នាំ ២០១៥ នេះ​ ដើម្បី​ចូលរួម​​ក្នុង​ពានរង្វាន់​បាល់ទាត់ Toyota Mekong Club Championship 2015 (TMCC 2015) ជា​មួយ​ក្រុម​បឹងកេតអង្គរ របស់​កម្ពុជា ក្នុង​វគ្គ​ជម្រុះសន្សំពិន្ទុ​ចុង​សប្ដាហ៍​នេះ។

យោងតាម​ប្រភព​មក​ពី​ សហព័ន្ធកីឡា​បាល់ទាត់​កម្ពុជា បាន​ឲ្យដឹងថា ក្រុម Yangon United នឹងដឹកនាំ​​ដោយ​លោក​គ្រូ​បង្វឹក​សញ្ជាតិ​ប្រេស៊ីល​ Emerson Alcantara រួម​ជាមួយ​​កីឡាករជាង ២០ នាក់។

ក្រុម​បឹងកេតអង្គរ ត្រូវ​ប្រកួត​កាត់​សេចក្ដី​ជាមួយ​ក្រុម Yangon United របស់​មីយ៉ាន់ម៉ា នៅ​វេលា​ម៉ោង​៦:៣០ នាទី​ល្ងាច​ថ្ងៃ​អាទិត្យ ទី ២៩ ខែ វិច្ឆិកា ឆ្នាំ ២០១៥ នេះ​ លើ​ទីលាន​ពហុ​កីឡដ្ឋាន​ជាតិ ដើម្បី​ស្វែង​រក​ក្រុម​ឡើង​ទៅ​លេង​វគ្គ​ពាក់កណ្ដាល​ផ្ដាច់ព្រ័ត្រ ជាមួយ​ក្លិប Becamex Binh Duong FC ​របស់​វៀតណាម មុន​ជួប​​ក្លិប​ Buriram United របស់​ថៃ នៅ​វគ្គ​ផ្ដាច់ព្រ័ត្រ៕

ប្រភព៖ wearefootball , sportkh